Hartimi i projektligjit “Për mbrojtjen e konsumatorit” vjen si përgjigje ndaj nevojës për përditësimin dhe harmonizimin e kuadrit ligjor shqiptar me standardet më të fundit të Bashkimit Evropian në fushën e mbrojtjes së konsumatorit.
Qëllimi themelor i projektligjit është të sigurojë një nivel të lartë, të njëjtë dhe efektiv mbrojtjeje për konsumatorët shqiptarë, duke vendosur garanci të qarta për transparencën kontraktore, informimin para-kontraktor dhe të drejtën për heqje dorë, mekanizma më të fortë për mjetet juridike dhe zbatimin administrativ, dhe dispozita të reja për riparimin e produkteve, mbrojtjen në platformat digjitale dhe reklamimin e gjelbër.
Projektligji adreson gjithashtu vërejtjet e përsëritura të Komisionit Evropian lidhur me përputhshmërinë e legjislacionit shqiptar me acquis-në, përfshirë nevojën për të përmirësuar zbatimin, koordinimin ndërinstitucional, fuqizimin e kapaciteteve të mbikëqyrjes dhe sanksione efektive dhe proporcionale.
https://konsultimipublik.gov.al/documents/RENJK_842_Draft-LMK-final.docx
https://konsultimipublik.gov.al/documents/RENJK_842_Relacioni-projekt-LMK.docx