Qeveria i është rikthyer cësthjes së sigurimit të banesave nga tërmetet. Për konsultim publik është hedhur një version i ri i projektligjit “Për sigurimin e detyrueshëm të banesave nga tërmetet”. Pikat kryesore të këtij projektligji përfshijnë sigurimin e detyrueshëm për çdo pronar banese, përfshihen banesat sociale me qira dhe pronat në proces legalizimi, ndërsa përjashtohen ndërtesat me materiale të dobëta.
Qëllimi i draftit është mbulimi humbjeve financiare të pësuara nga i siguruari për shkak të dëmeve të shkaktuara në pasurinë e siguruar, të shkaktuara nga ngjarjet e tërmetit sipas kritereve të përcaktuara me këtë ligj. Ky ligj përcakton rregulla dhe norma për sigurimin e detyrueshëm të banesave nga tërmetet në Republikën e Shqipërisë.