Pavarësisht kundërshtive të institucioneve financiare ndërkombëtare, si FMN, Presidenti Bajram Begaj ka dekretuar Paqen Fiskale të qeverisë. Në faqen zyrtare të Presidencës janë publikuar dekretet e paketës fiskale 2026, pjesë e të cilave është edhe nisma ligjore që mundësonë faljen e borxheve të tjera të bizneseve dhe një pjese të detyrimeve të reja.
“Në mbështetje të nenit 84, pika 1, dhe nenit 93 të Kushtetutës, D E K R E T O J: Shpalljen e ligjit nr. 86/2025, “Për fshirjen, shuarjen dhe pagesën e detyrimeve tatimore ndaj administratës tatimore qendrore e vendore dhe e detyrimeve të pagueshme në doganë””, theksohet në dekretin e parë.
“Në mbështetje të nenit 84, pika 1, dhe nenit 93 të Kushtetutës, D E K R E T O J: Shpalljen e ligjit nr. 84/2025, “Për marrëveshjen e paqes fiskale””, theksohet në dekretin e dytë.
Pas këtij hapi, Paqja Fiskale hyn në fuqi, duke favorizuar të gjitha bizneset që nuk kanë qenë korrekt me ligjin. Paralelisht me të, edhe ligjet e tjera të Paketës Fiskale 2026.
https://president.al/presidenti-begaj-dekreton-shpallje-ligji-nr-86-2025/
https://president.al/presidenti-begaj-dekreton-shpallje-ligji-nr-84-2025/
https://president.al/presidenti-begaj-dekreton-shpallje-ligji-nr-82-2025/