Projektligji “Për eficiencën e energjisë” parashikon krijimin e Fondit Kombëtar për Eficiencën e Energjisë, një strukture që do të menaxhojë burime financiare për të mbështetur investimet në kursimin e energjisë, nga ndërtesat publike e deri te familjet me të ardhura të ulëta.
Fondi pritet të ketë organet e veta drejtuese, përfshirë një Këshill Drejtues dhe një Drejtor Ekzekutiv, të cilët do të vendosin prioritetet e financimit, do të miratojnë projektet dhe do të sigurojnë që investimet të jenë të orientuara drejt kursimeve reale të energjisë. Burimet financiare do të vijnë nga donacione, tarifa, fonde qarkulluese dhe programe ndërkombëtare, të administruara sipas akteve nënligjore.
Ndërkaq, drafti i nxjerrë për konsultim publik parashikon që Fondi të ketë rol të rëndësishëm në zhvillimin e programeve të kursimit të energjisë, uljen e emetimeve dhe mbështetjen e grupeve të cenueshme, duke e lidhur drejtpërdrejt me objektivat kombëtare të energjisë dhe klimës.
https://konsultimipublik.gov.al/documents/RENJK_895_Relacioni-shpjegues.doc
https://konsultimipublik.gov.al/documents/RENJK_895_Ligji-per-Efi-enc-n-Energjetike-(1).docx